Қуйида жорий йил 1 октябрь ҳолатига тақдим этилган Тошкент вилоятининг ижтимоий-иқтисодий кўрсаткичлари ҳақидаги маълумотлар билан танишинг.
- Вилоятда ялпи ҳудудий маҳсулот ишлаб чиқариш ҳажми:
2023 йилнинг январь-сентябрь ойларида Тошкент вилоятининг иқтисодий фаолият турлари бўйича ЯҲМ ишлаб чиқариш ҳажми 76 383,9 млрд. сўмни ташкил этди. Шу жумладан: тармоқларнинг ялпи қўшилган қиймати 73 479,2 млрд. сўм ва маҳсулотларга соф солиқлар 2 904,7 млрд. сўмга етди.
- Вилоятда фаолият кўрсатаётган корхоналар сони:
2023 йил 1 октябрь ҳолатига вилоятда фаолият кўрсатаётган корхоналар ва ташкилотларнинг сони (фермер ва деҳқон хўжаликларидан ташқари) 45 минг 181 та, улардан кичик корхона ва микрофирмалар 38,9 мингтани ташкил этди.
- Йирик қурилиш ташкилотлари томонидан бажарилган қурилиш ишлари:
2023 йилнинг январь-сентябрь ойларида, вилоятда жами қурилиш ишлари ҳажми таркибида йирик қурилиш ташкилотлари томонидан бажарилган қурилиш ишлари ҳажми 1 987,3 млрд. сўмни, 2022 йилга нисбатан 104,8 фоизни ташкил этди.
- Вилоятда инвестицияларнинг 53,0 фоизи қурилиш-монтаж ишларига йўналтирилди:
2023 йилнинг январь-сентябрь ойларида Тошкент вилоятида 28,0 трлн. сўм асосий капиталга инвестициялар ўзлаштирилиб, унинг таркибида қурилиш-монтаж ишларига йўналтирилган инвестициялар 14,9 трлн. сўмни ва жами ўзлаштирилган инвестицияларнинг улуши 53,0 фоизни ташкил этди.
Шунингдек, жорий йил 1 октябрь ҳолатига тақдим этилган Зангиота туманининг ижтимоий-иқтисодий кўрсаткичлари ҳақидаги маълумотлар билан танишинг.
- Зангиота туманида доимий аҳоли сони:
Зангиота тумани аҳолиси сони 169 минг 940 кишини ташкил этди. Шундан: шаҳар аҳолиси 69 минг 578, қишлоқ аҳолиси 100 минг 362, эркаклар 88 минг 472, аёллар 81 минг 468 кишини ташкил этди.
- Ташқи савдо айланмаси:
Жорий йилнинг январь-сентябрь ойларида туманда ташқи савдо айланмаси ҳажми 386,9 млн. АҚШ долларини ташкил этиб, бу кўрсаткич ўтган йилнинг шу даврига нисбатан ўсиш суръати 100,2 фоизни ташкил этди. Шундан: экспорт ҳажми 42,9 млн. АҚШ доллари ва импорт ҳажми 344,0 млн. АҚШ долларини ташкил этди.
- Чакана савдо товар айланмаси:
2023 йилнинг январь-сентябрь ойларида чакана савдо товар айланмаси ҳажми 2 053,6 млрд. сўмни ташкил этди. Ўтган йилнинг шу даврига нисбатан ўсиш суръати 110,2 фоизни ташкил этди.
- Қишлоқ хўжалиги маҳсулотларнинг умумий ҳажми:
2023 йилнинг январь-сентябрь ойлари якунларига кўра, қишлоқ хўжалиги маҳсулотларининг умумий ҳажми 1 861,3 млрд. сўмни ташкил этди, 2022 йилнинг мос даврига нисбатан 103,0 фоизни ташкил этди.
- Қурилиш ишларининг бажарилиши:
2023 йилнинг январь-сентябрь ойларида Зангиота туманида жами 956,0 млрд. сўмлик қурилиш ишлари бажарилган, шу жумладан: йирик қурилиш ташкилотлари томонидан 0,5 млрд. сўмни, кичик ва микрофирмалар томонидан 649,4 млрд. сўмни ва норасмий сектор томонидан 306,1 млрд. сўмни ташкил этди.
- Ишлаб чиқарилган истеъмол маҳсулотларининг ҳажми:
2023 йилнинг январь-сентябрь ойларида 2 352,4 млрд. сўмлик саноат маҳсулотлари ишлаб чиқарилган. Ўтган йилнинг мос даврига нисбатан 104,1 фоизни ташкил этди. Туманда 9 ой мобайнида 688,2 млрд. сўмлик истеъмол маҳсулотлари ишлаб чиқарилган бўлиб, истеъмол маҳсулотлари ишлаб чиқаришда ҳудуднинг улуши 4,6 фоизни ташкил этди.
Тошкент вилояти
Статистика бошқармаси.