Бир пайтлар бувиларимиз Сўз – хотин-қизлар фаолига Хитой чиннилари ва унинг сифати ҳақида завқ-шавқ билан гапиришарди. Бугун эса дўконларимизни ой эмас, кун сайин турли давлатларда ишлаб чиқарилаётган ўзига хос кўриниш ва рангдаги чиннилар тўлдириб бораяптики, улар барчани ўзига оҳанрабодек тортаяпти. Ҳа, чиннилар ўзгаришда, бугун биттаси урф бўлса, эртага бошқаси. Лекин ўзбегимнинг пахта гулли чинниси ҳеч қачон урфдан ҳам, эътибордан ҳам қолмайди. У турли маросимларимизда дастурхонларимизни безашда давом этмоқда. Ана шундай миллий чинни идишларни туманимизда ҳам ишлаб чиқариш йўлга қўйилган. “Ўрта” маҳалла ҳудудидаги темир йўлдан ўтмасдан ўнг томонга бурилиб, йўл бўйлаб бироз юргач, яна ўнг қўлда кўча келади. Шу кўчадан кўп ҳам юрмасингиздан йўл иккига айрилади.

Рўпарага боқсангиз кўз олдингизда катта бир корхона намоён бўлади. Бу, ҳудудда кўп йиллардан бери фаолият юритаётган чинни цехидир. Корхонада ишлаб чиқарилаётган пахта гулли коса, пиёла ва бошқа турдаги чинни буюмлар ўзининг чиройли кўриниши билан харидорларни жалб этаётгани шубҳасиз. Сифатли чинни идишлар ишлаб чиқариш осон эмас. Бунинг учун ишчилардан сабр-тоқат, нозик дид, меҳнатсеварлик, ўз ишига масъулият билан ёндашиш талаб этилади. Корхонада ишлаётган 200 нафардан зиёд хотин-қизларда эса айнан шу хусусиятлар мужассам. Эътиборли жиҳати шундаки, ишчиларнинг асосий қисмини айнан туманимиз хотин-қизлари ташкил этади. Янгийўл туманидан ҳам келиб ишлайдиганлар бор. Ишчилар учун барча шарт-шароитлар яратиб берилган. Хотин-қизлар билан мулоқот чоғида улар ўз ишларидан мамнунликларини изҳор этдилар.

Саодат УСМОНОВА,
туман ҳокими ўринбосари,
хотинқизлар бўлими раҳбари.