Анъанага кўра ўтказиб келинаётган “Китобхон оналар куни”нинг бугунги тадбири Зангиота тумани тиббиёт бирлашмаси ходимлари иштирокида бўлиб ўтди. Тадбирда китобхон оналаримиз ўзлари оила даврасида ўқиган китобларининг маънавий-маърифий аҳамияти, илгари сурилган ғоялари хусусида фикр алмашдилар. Шунингдек, фарзандларида китобхонлик маданиятини қарор топтириш, уларда ёт ғояларга нисбатан маънавий иммунитетни кучайтириш юзасидан тажриба алмашиб, бир-бирларига тавсиялар бердилар. Ахборот-кутубхона маркази ходимлари улар билан китобхонлик маънавияти, китобнинг инсон ҳаётида тутган ўрни, фарзанд тарбиясида китобларнинг аҳамияти ҳақида суҳбат олиб бордилар ва ўқиш учун “Муносиб ота-она бўлмоқ – саодат”, “Олим тарбиялаган оталар” китоблари тавсия қилинди.

Малоҳат КАРИМОВА,
туман Тиббиёт бирлашмаси қабул
“Emerency department” бўлими
катта ҳамшираси.