Биласизми, битта апельсин С витаминининг кунлик талабини ўз ичига олади. Апельсин қон босимини пасайтиради, юрак-қон томир касалликлари хавфини камайтиради, қон томирлари деворларини мустаҳкамлайди, ошқозон яраси ва яраларни даволашда ишлатилади, холестерин даражасини пасайтиради, иммунитетни кўтаради ҳамда ёшлик ва гўзалликни узоқроқ сақлашга ёрдам беради. Лекин шуни ёдда тутинг, ҳар қандай цитрус мевалари каби апельсин ҳам кучли аллерген ҳисобланади.
У кўп миқдорда истеъмол қилинганида аллергик реакциялар ва ҳатто анафилактик шок пайдо бўлиши мумкин. Шунингдек, ошқозон-ичак тракти касалликларида апельсинларни оч қоринга эҳтиёткорлик билан истеъмол қилиш керак. Апельсин юқори кислоталиликка эга, бу тиш эмалига ёмон таъсир қилиши мумкин. Шунинг учун апельсин истеъмол қилгандан кейин оғзингизни чайишни унутманг. Яна бир гап, агар овқатингиз жуда ёғли бўлиб кетган бўлса, унга озроқ апельсин шарбатидан қўшинг, у ёғларни сўриб олади. Апельсин суви билан ёғли идишларни ювсангиз, чиннидек бўлади.