“Обод маҳалла, обод кўча, обод хонадон” Давлат дастурини амалга ошириш мақсадида 4-сектор раҳбариятидан бириктирилган Д.Сулаймонов “Нуробод” маҳалласида бўлиб, мавжуд муаммо ва вазифаларни атрофлича ўрганди.
Шунингдек, “маҳалла бешлиги” билан бажарилиши лозим бўлган ишлар хусусида фикр алмашилиб, эҳтиёжманд оилалар турмуш шароитларидан хабар олинди. “Обод маҳалла, обод кўча, обод хонадон” дастури ижросини таъминлаш мақсадида туман ҳокимлигидан “Олмазор” маҳалласига бириктирилган туман ҳокими ўринбосари Саодат Усмонова “маҳалла бешлиги” билан ҳудуддаги муаммо ва камчиликларни атрофлича муҳокама этишди. Шунингдек, ушбу маҳаллада яшовчи аҳоли турмуш тарзи ўрганилиб, субсидия асосида тикув машинаси олиб иш бошлаган М.Одилова фаолияти ўрганилди.
Ҳозирги кунда М.Одилова имтиёзли кредит эвазига тикув машинаси олиб, иккита иш ўрни яратиб, оиласига даромад келтирмоқда. Маҳалла драйвери деҳқончилик бўлгани сабабли, шахсий томорқа эгаларига тўқсонбосди экинларини экиш, ердан самарали фойдаланиш, куз-қиш мавсумига пухта тайёргарлик кўришлари таъкидланди.
Саид ҲАСАНОВ.